Lively Memories❤

മനസ്സിന് ഒരു സുഖവുമില്ല. എന്ത് ജീവിതമാണിത്? എങ്ങനെ ജീവിച്ച ഞാൻ ആയിരുന്നു. എന്നും ഒരു പോലെ. ദുഃഖത്തിന്റെ ആഴം ദിനംപ്രതി കൂടുന്നതല്ലാതെ വേറെ യാതൊരു മാറ്റവും എന്റെ ജീവിതത്തിൽ ഇല്ല. കുറച്ചു സമാധാനം എങ്കിലും നിനക്ക് തരരുതോ? മനസ്സ് തന്നെ മരവിച്ചു തണുത്തുറഞ്ഞു പോയി. എനിക്ക് എന്നോട് തന്നെ വല്ലാത്ത വെറുപ്പ് തോന്നുന്നു. ഞാൻ വല്ലാത്ത മാനസികസമ്മർദ്ദത്തിലൂടെ കടന്നു പോകുന്നു. എനിക്കറിയാം ഇതിൽ നിന്നും എനിക്ക് ഒരു മോചനവും ഇല്ലെന്നു. കഴിഞ്ഞ വർഷവും ഇതു പോലെ തന്നെ ആയിരുന്നു. ഈ വർഷവും ദേ ഇങ്ങനെ. അടുത്ത വർഷവും ഏതാണ്ട് ഇതുപോലെ അല്ലെങ്കിൽ ഇതിലും മോശം ആയിരിക്കും. ശരിക്കും പറഞ്ഞാൽ മടുത്തു. അങ്ങേയറ്റം ഞാൻ മടുത്തു. മുമ്പ് എന്റെ ജീവിതത്തെ കുറിച്ചു എനിക്കുണ്ടായിരുന്ന വർണാഭമായ സ്വപ്നങ്ങൾക്കും പ്രതീക്ഷകൾക്കും എല്ലാം ഇപ്പോൾ ഒരു നിറം മാത്രം - ദുഃഖത്തിന്റെ കറുപ്പുനിറം. ഒരു അവസാനമില്ലാത്ത പോലെ കണ്ണുനീർ കുറച്ചധികം വർഷങ്ങളായി മഴയായി പെയ്തു കൊണ്ടിരിക്കുന്നു. ദിവസങ്ങളും മാസങ്ങളും വർഷങ്ങളും പോകപോകെ ഹൃദയത്തിനേറ്റ മുറിവിന്റെ ആഴവും കൂടിക്കൂടി വരുന്നു. തകർന്നിരിക്കുന്ന ഹൃദയത്തിന്റെ വേദന കൂട്ടി കൊണ്ട് നീയും ആനന്ദം കണ്ടെത്തുന്നു....

എനിക്കങ്ങു വയ്യ കർത്താവേ...പപ്പയ്ക്ക് ജോലി എങ്കിലും കൊടുത്തൂടെ...ഇനി ഞാൻ chitti cash ആരോട് ചോദിക്കും? ഓരോന്ന് ആലോചിക്കുമ്പോൾ അറിയാതെ കണ്ണ് നിറയുന്നു. എന്റെ മനസ്സ് പോലും ശരിയല്ല. ഞാൻ വേറൊന്നും ആഗ്രഹിക്കുന്നില്ലല്ലോ.പപ്പയ്ക്ക് ജോലി എങ്കിലും കൊടുത്തൂടെ...എനിക്ക് മടുത്തു കർത്താവേ...

എല്ലാ വർഷങ്ങളിലെയും പോലെ ഈ വർഷവും ഓണം വന്നെത്തി. അമ്മ മരിച്ചതിൽ പിന്നെ ഓണവും Christmas ഉം എല്ലാം കണക്ക് തന്നെ. വീടിനു പുറത്തു ഇറങ്ങാതെ നാലു ചുവരുകൾക്കുള്ളിൽ നിർവികാരമായ മനസ്സോടെ ഇരിക്കുന്ന എനിക്കൊക്കെ എന്ത് ഓണം! എന്റെ മനസ്സിൽ നിന്നും ആഘോഷങ്ങൾ ഒക്കെ എന്നേ പടിയി റങ്ങിപ്പോയി. ഈ വർഷവും എനിക്ക് ഒരു ഓണക്കോടി വാങ്ങാൻ കഴിഞ്ഞില്ല. കാരണം കിട്ടുന്ന tuition cash തന്നെ പല വഴിക്ക് പോകുവല്ലേ. പപ്പയ്ക്ക് പിന്നെ ഒരിക്കലും ജോലി ഇല്ലാത്തതു കാരണം പറയുകയും വേണ്ട. എല്ലാവർക്കും ഓണക്കോടി എടുത്തു കൊടുക്കാൻ ആരെങ്കിലുമൊക്കെ ഉണ്ടാകും. എനിക്ക് ആരുമില്ലല്ലോ എന്നോർത്ത്  ഇക്കഴിഞ്ഞ രണ്ടു ദിവസങ്ങൾ ആയി ഞാൻ വലുതല്ലാത്ത രീതിയിൽ ഒന്ന് വിഷമിച്ചു.പിന്നെ ഞാനും കരുതി എന്ത് ഓണം? Cash ഉണ്ടേൽ എപ്പോൾ വേണമെങ്കിലും എനിക്ക് പോയി dress എടുക്കാവുന്നതല്ലേ ഉളളൂ എന്നൊക്കെ. ഇങ്ങനെയൊക്കെ ചിന്തിച്ചാലും  നമുക്കും ഓണാക്കോടി ഒക്കെ എടുത്തു തരാൻ ആരെങ്കിലുമൊക്കെ ഉണ്ടാകുന്നത് എത്ര സന്തോഷം നൽകുന്ന കാര്യം ആണ്! പിന്നെ ഞാൻ അതിനെ കുറിച്ചു ഒന്നും ചിന്തിച്ചില്ല. കുറച്ചു മുമ്പ് ഞാൻ tuition പഠിപ്പിക്കുന്ന കൊച്ചും അവളുടെ അമ്മയും കൂടി എന്നെ കാണാൻ വന്...

മരണം ഞാനെന്ന ശവം ശവമെന്ന ഞാൻ ഞാനെന്ന ശാപം ശാപമെന്ന ഞാൻ മനസ്സില്ലാത്ത, ഹൃദയമില്ലാത്ത  നിർജീവമേനിയാകുന്ന ഞാൻ... ആർക്കുവേണ്ടി? എന്തിനു വേണ്ടി? ആരെന്നെ ഈ നശ്വരഭൂമിയിലേക്കാനയിച്ചു? ഒരു തളികയിൽ ഈ ഭൂമിതൻ കനൽജീവിതവും മറുതളികയിൽ മരണവുമേന്തി ഒരാളെൻ മുൻപിൽ വന്നു നിന്നാൽ, ഏതു നീ സ്വീകരിക്കുമെന്നരാഞ്ഞാൽ, മരണമെന്നു ഞാൻ ഉറക്കെ പറയും കാരണമെന്തെന്നാൽ കണ്ണീരിന്റെ കനൽചൂടിൽ വെന്തുരുകുന്ന ഈ ജീവിതമെനിക്കെന്തിനാണ്?

കണ്ണാടി  ഒതുക്കമില്ലാതെ ചീകി കെട്ടിയ മുടി, കണ്ണുകളിൽ കണ്മഷിയുടെ തിളക്കമില്ല, ശൂന്യമായ നെറ്റിത്തടം... കുറച്ചു ദിവസങ്ങളായി ആശ ടീച്ചർ അങ്ങനെ ആണ് സ്കൂളിൽ പോകുന്നത്. തന്റെ സഹപ്രവർത്തകയ്ക്ക് ഉണ്ടായ ഈ മാറ്റം കമല ടീച്ചറിൽ ഒരു അസ്വസ്ഥത ഉണ്ടാക്കി. അത്യാവശ്യം ഒരുങ്ങി നടക്കുന്ന, സൗന്ദര്യസംരക്ഷണത്തിൽ ഒക്കെ വേണ്ട വിധത്തിൽ ശ്രദ്ധിക്കുന്ന ആശ ടീച്ചറിനിതെന്തുപ്പറ്റി എന്നു കുട്ടികളടക്കം ചിന്തിച്ചു. ഒരു ദിവസം കമല ടീച്ചർ രണ്ടും കല്പ്പിച്ചു ചോദിച്ചു " എന്താ, ടീച്ചറെ വീട്ടിലെ കണ്ണാടി ഉടഞ്ഞു പോയോ? " ആശ ടീച്ചർ  നിർവികാരമായി  പുഞ്ചിരിച്ചു കൊണ്ട് മറുപടി പറഞ്ഞു. " ഉടഞ്ഞു, പക്ഷേ അതെന്റെ മനസ്സാണെന്നു മാത്രം ".         ( മുഖം മനസ്സിന്റെ കണ്ണാടി )

എനിക്ക് മനസ്സിന് ഒരു സുഖവുമില്ല കർത്താവേ.... എന്താണ് കാരണം എന്നു എന്നേക്കാൾ നന്നായി അങ്ങേക്ക് അറിയാമല്ലോ. ഞാൻ വളരെയധികം depressed ആണ്. ഇതൊക്കെ കൊണ്ടാണ് ഞാൻ ഒരിടത്തും പോകാത്തത്. എനിക്ക് എന്തോ പോലെ. വാക്കുകൾ ഒന്നും പുറത്തേക്ക് വരുന്നില്ല. വല്ലാത്ത ഹൃദയവേദന. ആ ജോലി എന്റെ സ്വപ്നം ആയിരുന്നു. ഞാൻ ഒത്തിരി പ്രതീക്ഷിച്ചു. എനിക്കറിയാം കിട്ടില്ലെന്ന്‌. ഞാൻ ആഗ്രഹിക്കുന്ന പോലെത്തെ ഒരാളെ എനിക്ക് കിട്ടില്ലേ കർത്താവേ... വിദ്യാഭ്യാസമുള്ള, എനിക്ക് ചേരുന്ന ഒരാളെ ഞാൻ ആഗ്രഹിക്കുന്നത് തെറ്റ് ആണോ? എനിക്ക് ഒന്നും പറയാൻ പോലും വയ്യ... ഞാൻ തളർന്നു പോകുകയാണ്. കുറച്ചു കൂടി ഒക്കെ rich ആയിരുന്നെങ്കിൽ എന്നു ഇപ്പോൾ  ആഗ്രഹിച്ചു പോകുന്നു. എനിക്ക് വല്ലാത്ത നിരാശ തോന്നുന്നു. എന്റെ കുടുംബം പോലും തകർന്നു പോയി. കർത്താവെ, ഞാൻ നിന്നെ കുറ്റപ്പെടുത്തി സംസാരിക്കുന്നത് അല്ല. എനിക്ക് എന്തോ വയ്യ....ഒന്നും ഒട്ടും വൈകിപ്പിക്കരുതേ..... ഒരു ജോലി ഞാൻ ആവശ്യപ്പെടുന്നത് തെറ്റ് ആണ്? ഒരു life partner നെ ആവശ്യപ്പെടുന്നതും അത്ര വലിയ തെറ്റ് ആണോ? നിനക്ക് എന്നെ പരീക്ഷിച്ചു മതി ആയില്ലേ. ഞാൻ ഇഷ്ടമില്ലാതെ ഒരാളെ കല്യാണം കഴിക്കുന്നത് എനിക്ക് ചിന്തി...