രാത്രിയിലെ വിഡിയോകോൾ

രാത്രിയിലെ വിഡിയോകോൾ

"I Love You. ഉമ്മ."

"I Love You, ഉമ്മ.."

രാത്രി ഏകദേശം ഒരു 11 മണി ആയി കാണണം.അടച്ചിട്ട മുറിയിൽ നിന്നും കേൾക്കുന്ന മകളുടെ ഈ വാക്കുകൾ അയാളെ കൂടുതൽ പരിഭ്രാന്തനാക്കി. അങ്ങോട്ടുമി‌ങ്ങോട്ടും തിരിഞ്ഞും മറിഞ്ഞും കിടന്നതല്ലാതെ അയാൾക്ക് ഉറങ്ങാൻ കഴിഞ്ഞില്ല. മകൾ ആണെങ്കിൽ സംസാരം നിർത്തുന്നുമില്ല."എനിക്കൊന്നു കെട്ടിപ്പിടിക്കാൻ പറ്റിയിരുന്നെങ്കിൽ, എനിക്കൊന്ന് ഉമ്മ വയ്ക്കാന്നെങ്കിലും പറ്റിയിരുന്നെങ്കിൽ?" അവൾ വീണ്ടും വീണ്ടും പറഞ്ഞതു തന്നെ പലതവണ ആവർത്തിച്ചുകൊണ്ടിരുന്നു. എന്തായാലും ആരാണെന്നു അറിഞ്ഞിട്ട് തന്നെ കാര്യം. അയാൾ രണ്ടും കല്‌പിച്ചു മകളുടെ മുറി തള്ളിത്തുറന്നു അകത്തേക്ക് കയറി. അവൾ വീഡിയോ കോളിൽ ആരോടോ സംസാരിക്കുകയായിരുന്നു.അയാൾ പതിയെ തൻ്റെ കണ്ണുകൾ തെളിഞ്ഞു നിന്ന സ്ക്രീനിലേക്ക് മാറ്റി. തൻ്റെ മകളെ നോക്കി പല്ലില്ലാത്ത മോണകാട്ടി കുടുകുടാ ചിരിക്കുന്ന ഒരു കൊച്ചു സുന്ദരൻ. കുറച്ചുമുമ്പ് തന്നെ അസ്വസ്ഥപ്പെടുത്തിയ മകളുടെ വാക്കുകൾ അയാൾ ശരിവച്ചു. അവൾ പറഞ്ഞതു പോലെ ആ പിഞ്ചോമനയെ ആർക്കായാലും ഒന്നു കെട്ടിപ്പിടിക്കാനും ഉമ്മ വയ്ക്കാനുമൊക്കെ തോന്നിപ്പോകും. അയാൾ അവനെ തന്നെ നോക്കി നിന്നു ഇടയ്ക്ക് തന്റെ മകളെയും. അവൾ ആദ്യമായി അയാളെ നോക്കി ചിരിച്ച ദിവസം അയാൾ ഓർത്തെടുക്കാൻ ശ്രമിച്ചു. വാസ്തവത്തിൽ, ആ സമയത്ത് അയാളുടെ കണ്ണുകളിൽ കുഞ്ഞിനോടുള്ള വാത്സല്യത്തേക്കാളുപരി ഒരു നിമിഷത്തേയ്‌ക്കെങ്കിലും തൻ്റെ മകളെ സംശയിച്ചതിലുള്ള കുറ്റബോധമായിരുന്നു. അയാൾ പതിയെ മുറി വിട്ടിറങ്ങി. എന്നിട്ട് ആശ്വാസത്തോടെ തൻ്റെ കിടക്കയിൽ വന്നു കിടന്നു. അയാളിലെ പഞ്ചാത്താപം കണ്ണീരായി മാറി. പക്ഷേ, ആ മകൾക്ക് തന്റെ പിതാവിന്റെ അഗമനോദേശ്യം നന്നായി മനസ്സിലാക്കാൻ കഴിഞ്ഞിരുന്നു. എങ്കിലും അവൾക്കതിൽ നിരാശ തോന്നിയില്ല.തന്റെ മരവിച്ച മനസ്സിൽ പ്രണയത്തിന്റെ റോസാപുഷ്പങ്ങൾക്ക് സ്ഥാനമില്ലാത്ത കാര്യം തൻ്റെ പിതാവിനറിയില്ലല്ലോ എന്ന് ചിന്തിച്ചു കൊണ്ട് അവളും തൻ്റെ കിട‌ക്കയിൽ ചുരുണ്ടുകിടന്നു.

Comments

Post a Comment

Popular posts from this blog

A love Story❤️

ഒരു ദിവസം ഒരാൾ എന്നോട് ചോദിച്ചു. " അബീഷയ്ക്ക് ആരോടെങ്കിലും ഇഷ്ടമുണ്ടോ? " " ഇഷ്ടം എന്റെ എന്നു വച്ചാൽ... What do you mean? " ഞാൻ ഇപ്രകാരം ചോദിച്ചു കൊണ്ട് അയാളുടെ മറുപടിക്ക് വീണ്ടും കാതോർത്തു. " I mean do you have a lover? " അദ്ദേഹം ഒന്നുകൂടി തന്റെ ചോദ്യം വ്യക്തമാക്കി. അതിനു മറുപടിയായി ഞാനൊന്നു ചിരിച്ചു. " Yes... I have a lover." "ശരിക്കും lover ഉണ്ടോ? എനിക്കെന്തോ വിശ്വാസം പോരാ...."അയാളുടെ കണ്ണുകൾ എന്നെ ഒന്നുകൂടി തറപ്പിച്ചു നോക്കി. "അതെന്താ ഒരു വിശ്വാസക്കുറവ്? ഒരു കാമുകൻ ഇല്ലാതിരിക്കാൻ വേണ്ടി മാത്രം ഞാൻ എന്താ അത്രയ്ക്ക് മോശം ആണോ?"ഞാനും വിട്ടു കൊടുത്തില്ല. "ഏയ്‌, ഞാൻ അങ്ങനെ ഒന്നും ഉദ്ദേശിച്ചു പറഞ്ഞതല്ല. പെട്ടെന്ന് കേട്ടപ്പോൾ ഉൾക്കൊള്ളാൻ കഴിഞ്ഞില്ല, അത്ര തന്നെ." അയാളൊന്ന് ചിരിക്കാൻ ശ്രമിച്ചു. "കൂടുതൽ എന്തെങ്കിലും അറിയണ മെന്നുണ്ടോ?" ഞാൻ ചോദിച്ചു. അതുകേട്ടപ്പോൾ ആളുടെ മുഖത്ത് ഒരു പുഞ്ചിരി വിടർന്നു. ആരാ ആൾ? അയാളുടെ കണ്ണുകളിൽ ജിജ്ഞാസ അലയടിച്ചു. അതു കണ്ടില്ലെന്നു നടിക്കാൻ എനിക്കായില്ല. ഞാൻ പറഞ്ഞു. " സങ്കടങ്ങളിൽ എ...
Read more

Samanwayam Day - 3

Image
ക്യാമ്പിന്റെ മൂന്നാം ദിവസം രാവി‌ലെ 6.00 ന് യോഗാക്ലാസോടു കൂടി ആരംഭിച്ചു. ജെയിംസ് ടി ജോസഫ് സാർ ആയിരുന്നു ഞങ്ങളുടെ യോഗ trainer.  പ്രഭാത അസംബ്ലിയിൽ കഴിഞ്ഞ ദിവസത്തെ കാര്യങ്ങൾ എല്ലാം ഒന്ന് കൂടി സംഗ്രഹിച്ചു.ഇന്നത്തെ ഞങ്ങളുടെ ആദ്യത്തെ പ്രോഗ്രാം കാര്യവട്ടത്തു ആയിരുന്നു. ഞങ്ങളുടെ  പ്രോഗ്രാമിൻ്റെ പേര്  ഇ-ടൈംസ് എന്നായിരുന്നു.കാര്യവട്ട ത്തുള്ള ഒരു പള്ളിയിൽ വെച്ചായിരുന്നു നമ്മുടെ പ്രോഗ്രാം organize ചെയ്തത്.20 വീട്ടമ്മമാർക്ക് സ്മാർട്ട്‌ ഫോണിന്റെ ഉപയോഗങ്ങൾ പരിചയപ്പെടുത്തുക എന്നതായിരുന്നു പ്രസ്തുത പ്രോഗ്രാമിന്റെ അജണ്ട. രണ്ട് പേരടങ്ങുന്ന ഓരോ ഗ്രൂപ്പിലും ഒരു അമ്മയെ allott ചെയ്തു.സ്മാർട്ട് ഫോണിന്റെ അടിസ്ഥാന ഉപയോഗം അവരെ മനസി‌ലാക്കി പ്പിക്കുക എന്നത് ടീം അംഗങ്ങളുടെ ഉത്തരവാദിത്തമായിരുന്നു. ദീപ ചേച്ചിയും ഞാനും ജി പേ,ഗൂഗിൾ ട്രാൻസ്ലേഷൻ, ഇ-മെയിൽ തുടങ്ങിയവയെക്കുറിച്ചു  ക്ലാസെടുത്തു. മാർ തെയോഫിലസ് ട്രെയി‌നിംഗ് കോളേജിലെ വിദ്യാർത്ഥികൾക്ക് ഇത് നല്ലൊരു അനുഭവ മായിരുന്നു. അമ്മമാരും വളരെ സന്തുഷ്ടരാ ണെന്ന് തോന്നി. അവരും അവരുടെതായ അനുഭവങ്ങൾ പങ്കുവെച്ചു. തുടർന്ന് ഞങ്ങൾ ഉച്ചയ്ക്ക് 12.30 ന് ഉച്ചഭ...
Read more

Teaching Practice Week 7

Image
22/07/2024 ഇന്നു ഞാൻ കൃത്യം 9 മണിക്ക് സ്കൂളിൽ എത്തി ചേർന്നു.ഇന്നു 3rd and 4th period ആയിരുന്നു exam. ആയതിനാൽ എനിക്ക് ഇന്നു 3rd period class എടുക്കാൻ കഴിഞ്ഞില്ല. Interval സമയത്തു ഓഫീസിൽ പോയി question papaer collect ചെയ്തു. 9 A യിൽ exam duty ഉണ്ടായിരുന്നു. പിന്നെ ഉച്ചക്ക് ശേഷവും exam duty ഉണ്ടായിരുന്നു. Last period 9 A യിലെ കുട്ടികൾക്ക് HPE ആയിരുന്നു. Reena ടീച്ചർ ലീവ് ആയിരുന്നതിനാൽ ആ period ഞാൻ ക്ലാസ്സ്‌ എടുത്തു. ഇന്നു ഞാൻ എടുത്തത് Features of Tropical Thorn Forests and Swamp Forests ആയിരുന്നു. ICT images കുട്ടികളിൽ concept clear ആക്കാൻ സഹായകമായി. Evening duty ഉണ്ടായിരുന്നതിനാൽ 4.30 വരെ സ്കൂളിൽ നിൽക്കേണ്ടതായി വന്നു. 23/07/2024 ഇന്നും പതിവ് പോലെ ഞാൻ കൃത്യം 9 മണിക്ക് സ്കൂളിൽ എത്തിച്ചേർന്നു. ഇന്ന് last period ആയിരുന്നു ക്ലാസ്സ്‌. ഇന്നു ഞാൻ എടുത്ത topic " Major Soils in North Indian Plain " ആയിരുന്നു. ICT pictures, Ppt ഒക്കെ ഉണ്ടായിരുന്നു. പിന്നെ കുട്ടികൾക്ക് " Major Soils in India" എന്ന topic ൽ ഒരു assignment എഴുതാൻ പറഞ്ഞു. ഇന്നു evening duty ഇല്ലായിരുന്നു. വരുന്ന Monda...
Read more